ЕДЕН РЕГИОН
ЕДНА ЕКОНОМИЈА
Средби, Семинар, Обука, Настан
   
26.09.2019 - 27.09.2019
Семинар
ПОЧЕТНО КОРИСТЕЊЕ НА ПРОГРАМА ЗА ТАБЕЛАРНО ПРЕСМЕТУВАЊЕ (EXCEL 2016)
Стопанска комора на Македонија, Македонија

Дводневен семинар:

ПОЧЕТНО КОРИСТЕЊЕ НА ПРОГРАМА ЗА ТАБЕЛАРНО ПРЕСМЕТУВАЊЕ (EXCEL 2016)

26 - 27.9.2019 година (четврток и петок)
10:00 – 15:30 часот
Стопанска комора на Македонија, сала 1 на 5-ти кат


Во деловното опкружување во кое голем дел од успехот зависи од способноста за управување со информациите и податоците, Microsoft Excel се смета за една од најкорисните деловни програми за општа употреба. Наменета за систематизација, уредување и чување податоци, но и за нивна визуелизација и анализирање, оваа програма овозможува не само зголемена продуктивност, туку и значителна заштеда во време. Во деловниот свет, користењето на Excel се смета за знаење кое едноставно е неопходно - без оглед дали станува збор за банкарство, трговија, индустрија, услужна дејност и сл. Водењето евиденција, табеларните прикази, различните пресметки во оваа програма се работи кои се очекува да се знаат од страна на вработените.

Дводневниот семинар овозможува за најкратко време стекнување на неопходното почетно знаење за работа во Excel како ефикасно и со леснотија би се решавале различни задачи од работното секојдневие. Акцентот е на решавање практични задачи – самостојна изработка на табели и табеларни пресметки, правилно користење на математичките  формули и функции, како и графички приказ на податоците со помош на графикон.

Семинарот е наменет за сите кои сакаат да ги унапредат своите знаења и вештини како би биле поподготвени за идни деловни предизвици - да се запознаат со користењето на многубројните опции кои ги нуди оваа програма, а потоа и стекнатите знаење да ги применат на своето работно место. Основен услов е учесникот да има познавања од работа со компјутер.


НАПОМЕНА: ЗАРАДИ ПРАКТИЧНИОТ КАРАКТЕР НА ОБУКАТА, ПОТРЕБНО Е СЕКОЈ УЧЕСНИК ДА ПОНЕСЕ СО СЕБЕ ЛАП-ТОП КОМПЈУТЕР.

Теми кои ќе бидат опфатени на семинарот:
• Вовед во Excel;
• Манипулација со работна книга, работни листови и „ќелии“;
• Форматирање на содржината;
• Користење на аритметички операции и референцирање;
• Користење на основни функции;
• Визуелизација на податоците преку графикони;
• Почетно сортирање и филтрирање на податоците;
• Замрзнување на редици и колони;
• Поврзување на работите страници;
• Печатење на документ во Excel;
• Заштита и сигурност.

По завршување на семинарот, учесникот ќе биде во можност:
• да користи табеларни документи (да ги отвора, менува,   сочува на одредена локација и слично);
• да внесува податоци во „ќелии“, да користи автоматско   пополнување, да ги брише и преместува податоците во рамките   на една или повеќе табели, да уредува редови и колони, да   селектира, копира, односно преместува, брише и преименува   работни страници;
• да форматира податоци, да форматира страници во рамките на   еден табеларен документ, да применува „замрзнување“ на   редици и колони, да ја користи функцијата „Најди и замени“,   да применува автоматски испис на насловите на редиците на   секоја страна на работниот лист;
• практично да применува основни формули и функции, да   користи апсолутни и релативни адреси на „ќелии“;
• да избере, да форматира и да обликува графикони;
• да применува едноставно филтрирање и сортирање;
• да поврзува работни страници;
• да печати документ во Excel.

Придобивките на компаниите и организациите од примената:
- генерирање квалитетни работни вештини;
- олеснета деловна администрација;
- ефикасно користење на работното време.

Предавач:
- Ирина Иванова, дипломиран инженер и професор по информатика веќе 18 години. Обучувач во областа на ИТ. Активно е вклучена во проекти финансирани од ЕУ, УСАИД и Британскиот совет како експерт и обучувач. Воедно е  ETwinning и Scientix амбасадор за Македонија. Учесник е на бројни конференции, но и автор на прирачници за основно и учебници за средно образование.

За сите учесници на семинарот ќе биде обезбедено:
- работен материјал;
- ручeк и освежување;
- сертификат за присуство на семинарот.

Рок за пријавување: 23.9.2019 година.


Пријавен лист Пријави се електронски

Контакт лице:
Анита Митревска
Телефон: ++ 389 2 3244057
Факс: ++ 389 2 3244088
Е-адреса: anita@mchamber.mk
Контакт центар: (02) 15015

Контакт лице:
Михајло Донев
Телефон: ++ 389 2 3244067
Факс: ++ 389 2 3244088
Е-адреса: Mihajlo@mchamber.mk
Контакт центар: (02) 15015

Стопанска комора на Македонија, ул. „Димитрие Чуповски“ бр. 13, 1000 Скопје