Почитуван Претседател на Стопанска Комора г-дин Азески,

Би сакал да Ве информирам дека мојот мандат како Главен извршен директор на Македонски Телеком АД-Скопје истекува на крајот на овој месец и мојот колега и наследник, г-дин Горан Марковиќ, ја презема функцијата од почетокот на јули 2025.

Со оглед на оваа промена, би сакал да замолам новиот Главен извршен директор г-дин Горан Марковиќ да биде соодветно вклучен наместо мене во телата на Комората како претставник на Македонски Телеком.

Ви благодарам на довербата која ми ја укажавте со ангажманот во Управниот Одбор на Комората во изминатите 7 години и на членството во Собранието на Комората. Воедно, би сакал да се заблагодарам во свое лично име и во име на Компанијата на поддршката која ја добивавме од Стопанската Комората во изминатиот период во консултации со извршната власт и во неколкуте судски постапки пред Уставниот Суд. Сигурен сум дека оваа соработка ќе продолжи и понатаму со новиот Главен извршен директор на Македонски Телеком, г-динот Горан Марковиќ.

Со почит,

Никола Љушев