Глобал Фајнанс ја прогласи Халкбанк за „Најдобра банка за работа со население за 2020 година“
➤ ОД КОМПАНИИТЕ (06.07.2020)
👁 Прочитано: 1248



Глобал Фајнанс ја прогласи Халкбанк за „Најдобра банка за работа со население за 2020 година“

    

Халкбанк АД Скопје од страна на светскиот финансиски магазин „Глобал Фајнанс“ (Global Finance) е прогласена за Најдобра банка за работа со население за 2020 година, соопштуваат од Банката.

Како што додаваат банката е добитник и на наградата „Commerzbank’s STP Award 2019“ која ја доделува лидерот за меѓународни финансиски услуги Комерцбанк АГ како признание за брзината и квалитетот на меѓународните плаќања и трансфери.

Глобал Фајнанс, публикација на Светска Банка од Вашингтон, секоја година прогласува најдобри банки во различни сегменти на банкарското работење, а изборот на најдобрите банки го вршат уредниците на списанието во соработка со истражувачки тим и издавачот, кои по опсежни анализи на номинираните во одделните категории, одлучуваат која банка ќе го однесе приматот во определена категорија за дадената година.

Главни критериуми за добивање на наградите се остварените резултатите, постигнатиот успех, континуираниот развој на нови технологии и производи и степенот на воведени иновации во категоријата каде што се врши изборот, како и адаптибилноста на банката на промените во финансискиот сектор.

Наградата од Комерцбанк АГ, како што наведуваат во соопштението, е потврда за ефикасната соработка со тимот на Халкбанк и признавање на оперативните вештини што ги исполнуваат највисоките стандарди на меѓународните плаќања.

Служба за информирање при Комората