Феликс Шрајнер пратеник во Германското собрание, член на  Комисијата за транспорт, член на Парламентарниот советодавен совет за одржлив развој и претседател на германско-швајцарската парламентарна група, придружуван од Хуберт Хосп главен извршен директор на Коленко Германија и Никола Битрак главен извршен директор на Коленко Македонија одржаа работна средба со претседателот на Стопанската комора на Северна Македонија Бранко Азески на која се разменија мислења за актуелната економска состојба и за можноста за интензивирање на соработката.      Претседателот Азески истакна дека последниве години, оценето од економски аспект, живееме во услови на големи предизици, но и на голем технолошки развој, кога фокусираноста, брзото темпо и ориентирањето кон целите играат голема улога во остварувањето на економскиот раст. Во такви услови поддршката и заемната соработка се од исклучително значење, особено од партнерите и од нашите пријатели од Германија, земја која е најголем деловен партнер на нашата држава.      На средбата се разговараше за инвестициската клима во државата, за потенцијалот за продлабочување на соработка и нови бизнис можности. Темите на разговори беа стабилноста на инвестициската клима, условите за инвестирање, но и конкретно потенцијалот за продлабочување на бизнис соработката во доменот на енергетика, како и инвестирање во соодветен стручен кадар за потребите на бизнисот. Претседателот Азески се заблагодари на искрената поддршка и на довербата кон нашата институција која Шрaјнер ја искажа и на отворените можности за зголемување на соработка во иднина.