Минатата недела во Скопје се одржа самитот Startup Revolution AI, еден од најзначајните настани посветени на вештачката интелигенција и стартап-екосистемот во регионот. Native Teams, иновативна македонска компанија и членка на Стопанската комора на Северна Македонија, имаше истакната улога на самитот преку учество во два клучни панели: еден за иднината на работата и еден за еволуцијата на fintech-секторот во 2025 година.

На панелот „Редефинирање на далечинската работа: Нераскажаната приказна зад глобалниот успех на Native Teams“, Симона Алексовска, Chief of Staff во Native Teams, ја сподели инспиративната приказна за растот на компанијата и придонесот во обликувањето на иднината на глобалната работа од далечина. Таа истакна дека основната мисија на Native Teams – да им овозможи на професионалците и компаниите да работат легално и без ограничувања од каде било во светот – е во сржта на сите нивни производи. Посебен акцент стави на новите AI-базирани решенија кои автоматски ја поедноставуваат усогласеноста со локалните закони, вработувањето и финансиската администрација за распределените тимови. Овие алатки им помагаат на компаниите и на поединците значително да ја намалат бирократијата, да заштедат време и побезбедно да скалираат во време кога работата од далечина стана нова нормала.

Вториот панел, „Од стартап до scale-up: Како да се градат финансирани FinTech производи во 2025 година“, го модерираше Симона Алексовска (Native Teams). Заедно со врвни панелисти – Белиза́р Маринов (Eleven Ventures), Кевин Шаван (Tenity Accelerator), Хрисовалантис Д. Куцумпос (Fintech & Digital Product Expert) и Сања Митровска (основач на The Founder Games) – дискутираа за клучните предуслови за создавање скалабилни и инвестициски атрактивни fintech производи на денешниот динамичен глобален пазар.

Дебатата опфати актуелни трендови, очекувања на инвеститорите, предизвиците при преминот од почетна тракција кон вистинско скалирање, важноста на регулаторната подготвеност и се поголемото влијание на вештачката интелигенција врз иднината на финансиските услуги. Панелот спои инвеститорски, акцелераторски и практични производни перспективи и резултираше со исклучително вредни сознанија за сите присутни основачи и лидери.

Самитот Startup Revolution AI 2025 беше одлична платформа за размена на идеи, вмрежување и стратешка видливост, каде што се потврди дека компании како Native Teams се во првите редови на иновациите – особено кога станува збор за комбинацијата на далечинска работа, fintech и вештачка интелигенција.