Во рамките на Глобалната недела на парите, која се одбележува во Северна Македонија, на 17 март по иницијатива на Комисијата за документарно работење (КДР) при Македонската банкарска асоцијација (МБА), а во соработка со Здружението на финансиските организации при Стопанската комора на Северна Македонија, се одржа едукативна хибридна работилница на тема „Механизми за осигурување на трговијата“.

• Важноста на осигурувањето во комерцијалните зделки 
• Споредба помеѓу домашната законска регулатива и меѓународните практики за осигурување на стоки 
• Улогата на полисата/сертификатот за осигурување во однос на другата (не)комерцијална документација што се презентира по банкарски гаранции, документарни акредитиви и инкасо-наплати 
• Практични примери од реалната пракса за осигурување на извоз од Северна Македонија и увоз во земјата 
• Осигурување во специфични ситуации и клаузули (санкции, стоки со двојна намена, виша сила и сл.) 
• Дигитализација на осигурувањето на глобално ниво, тековна состојба во Северна Македонија и идни планови за развој 
• Потребата од измени во законската регулатива за да се овозможи воведување и проширување на дигиталните форми на осигурување во домашната пракса.