Кога зборуваме за економски развој, за инфраструктура која поврзува, за модернизација која не движи напред, градежништвото е секогаш во фокусот. Тоа не е само индустрија која гради патишта, згради, мостови и енергетски капацитети, туку е моќен мотор кој влече напред десетици други гранки создавајќи просперитет за целата држава. Во една од емисиите која како серијал се објавува цела сезона на Наша ТВ, во рамки на проектот за поддршка на градежниот сектор, се зборува за клучна симбиоза помеѓу Владата и градежниот сектор, за решителноста и одлучноста на Владата да биде вистински, активен и стратешки партнер на оваа витална индустрија.

Не декларативна поддршка туку практичен пристап за искористување на потенцијалот на домашните компании и обезбедување континуирана работа за нив на капиталните проекти бидејќи тоа е клучот за зајакнување на сопствената економија.

На ваков начин компаниите нема само да растат, да се модернизираат и да развиваат нови вештини, туку овозможува да го задржат капиталот во земјата, да иновираат, да ја зголемуваат конкурентноста и создаваат нови стабилни работни места. Тоа е инвестиција во нашето сопствено знаење, во нашата експертиза и нашата заедничка иднина.

Целата емисија во која говорници се:

- Бранко Азески, претседател на Стопанската комора на СМ 

- Андреа Серафимовски, претседател на Здружение за градежништво, индустрија на градежни материјали и неметали при Комората

- Драган Димитриевски, управител на ГЕИНГ. 

- Силјан Михајловски, генерален директор на ФАБРИКА КАРПОШ

- Даниел Цеков, извршен директор на Техничка примена, АДИНГ