Цел на настанот е поттикнување на процесот на модернизација на осигурителниот пазар преку промовирање на современи решенија за целосно paperless работење, автоматизација на процесите и подобрување на ефикасноста и сигурноста во работењето.

Претставниците од КИБС АД Скопје ја претставија SignPlus платформата која е напредна платформа за електронско потпишување и работа со електронски документи и овозможува online потпишување на документи во PDF формат,  издавање и проверка на временски жиг – Momentum и безбедна препорачана достава на документи – MailTube. Преку практична демо презентација беа претставени можностите за paperless работење во повеќе процеси во осигурителните друштва, а присутните имаа можност да ги слушнат и искуствата на компании кои веќе успешно користат вакви технологии во своето секојдневно работење.

На настанот присутните разменија искуства, идеи и визии за идните насоки на дигиталната трансформација во осигурителниот сектор. Преку вакви иницијативи, осигурителниот сектор покажува подготвеност за прифаќање на технолошките иновации и активно придонесува кон градење на модерен, транспарентен и ефикасен систем, во чекор со глобалните трендови на дигиталното осигурување.

КИБС АД Скопје е специјализирана компанија за услуги од дигитална доверба кои вклучуваат квалификувани сертификати за електронски потпис, електронски печат, временски жиг и електронска идентификација во согласност со домашната и европска регулатива за што е запишан во Регистарот на даватели на доверливи услуги и шеми за електронска идентификација https://trusteid.mioa.gov.mk/registar_listi/ со што се гарантира усогласеноста со Законот за електронски документи, електронска идентификација и доверливи услуги.