Со цел унапредување на квалитетот на практичната обука и зајакнување на улогата на менторите како клучна алка во процесот на практична обука, Стопанската комора ја реализираше обуката за ментори за практична обука во компании.

На обуката учествуваа вработени од повеќе подружници и сектори на енергетската компанија ЕСМ АД, која активно се вклучува во создавањето стручен кадар преку оспособување ученици од средните стручни училишта.

Преку интерактивни сесии, учесниците на обуката се здобија со знаења и со вештини поврзани со:

-           методите за работа со ученици и со студенти,

-           обезбедувањето безбедна и поттикнувачка работна средина,

Обуката успешно ја завршија 20 нови сертифицирани ментори, кои ќе придонесат за поуспешна интеграција на младите во работната средина и за зајакнување на врската меѓу образованието и бизнис-секторот.

Досега преку Комората сертифицирани се околу 1000 ментори, кои со својата експертиза овозможуваат квалитетно практично образование и полесно вклучување на младите во светот на бизнисот.

„Електрани на Северна Македонија“ АД е најголемата државна енергетска компанија која се занимава со производство на електрична енергија од термоелектрани, хидроелектрани и од ветерни електрани.

Управува со најголемите производствени капацитети во земјава:

•  РЕК Битола (термоелектрана на јаглен);
•  РЕК Осломеј;
• неколку хидроелектрани (Маврово, Тиквеш, Глобочица, Шпилје и др.);
• ветерен парк Богданци.