Стопанската комора на Северна Македонија воспостави институционална инфраструктура за поддршка на извозот преку проектот „Три И“ – инвестиции, инфраструктура и иновативност, Клубот на извозници, Институтот за извоз и Националниот совет за извоз, во кој учествуваат премиерот и пет клучни министри, вели претседателот на Комората, Бранко Азески, во краткото видео од новото издание на „Chamber Talks. Тој истакна дека очекувањата се оваа инфраструктура да означи нов почеток и да го постави извозот меѓу највисоките државни приоритети.

Во разговорот проф. д-р Дарко Лазаров, проректор за инвестиции, развој и одржување при Универзитет „Гоце Делчев“ - Штип и претседател на Клуб на извозници при СКСМ, оценува дека Комората има јасна визија, концепт и предлог-програма што, преку конкретни активности за промоција на извозот и зајакнување на конкурентноста, може да придонесе за искористување на неискористениот извозен потенцијал на македонските компании и постигнување конкретни резултати.

Целиот разговор е на линкот https://youtube.com/shorts/AP7Qyfe4_WE