Во време на засилена регулатива, брзи пазарни промени и интензивна дигитална трансформација, компаниите се соочуваат со сè поголеми правни, договорни и дигитални предизвици. Донесувањето одлуки на ниво на менаџмент денес подразбира не само деловна стратегија, туку и јасно разбирање на одговорноста, ризиците и можностите за заштита. Со цел да им понуди практична поддршка на компаниите, Стопанската комора на Македонија организира еднодневен семинар на тема: КОРПОРАТИВНА ОДГОВОРНОСТ, ДОГОВОРНИ И ДИГИТАЛНИ РИЗИЦИ – ПРАКТИЧЕН ВОДИЧ ЗА ТОП МЕНАЏМЕНТ (Стратешко управување, правен и финансиски ризик, одговорност на менаџмент), посветен на корпоративната одговорност, договорните односи и дигиталните предизвици, со фокус на практични решенија и актуелна судска и деловна пракса.

Целта на семинарот:

Целта на семинарот е да им обезбеди на учесниците сеопфатен и практичен преглед на правните обврски и одговорности на CEO и органите на управување, улогата на менаџерските договори во корпоративното управување, како и современите договорни и дигитални ризици поврзани со IT, AI и меѓународната трговија. Посебен акцент се става на превенција на правни спорови, заштита на менаџментот и усогласување со националната и меѓународната регулатива.

• CEO, CFO, Head of Legal, Corporate Secretary, членови на управни и надзорни одбори;
• Финансиски директори и сметководствени менаџери;
• Правници, адвокати, корпоративни правни советници;
• Комерцијални директори и менаџери;
• Сопственици и менаџери на мали и средни претпријатија.

• стекнат јасно разбирање за фидуцијарните обврски и личната одговорност на CEO и управните органи, особено во услови на финансиски потешкотии и несолвентност;
• се запознаат со правата, обврските и механизмите за заштита кои произлегуваат од менаџерските договори и добрите практики во корпоративното управување;
• ги идентификуваат клучните ризици кај трговските, IT и AI договорите и ќе добијат насоки за нивно ефективно управување;
• добијат практични знаења за меѓународната трговија, примена на Incoterms и CISG, како и користење на електронски документи во согласност со дигиталната регулатива;
• добијат одговори на конкретни прашања преку анализа на реални примери и судска пракса. 

Одговорност на топ менаџмент и органи на управување

Фокус: лична одговорност, ризик-менаџмент и заштита на управата;

• Фидуцијарни обврски и деловна проценка (business judgment rule);
• Лична и солидарна одговорност на CEO, управители и членови на управа;
• Одговорност при финансиски потешкотии и несолвентност;
• Одговорност кон друштвото, доверителите и трети лица;
• Судска пракса и практични сценарија со висок ризик;
• Улога на CFO и Head of Legal во превенција на одговорност.

СЕСИЈА II - 11:00 – 12:00

Менаџерски договори и корпоративно управување

Фокус: договорна позиција на менаџментот и корпоративна контрола

• Надлежности и одговорности на органите на управување;
• Менаџерски договор vs. работен однос – правни и финансиски импликации;
• Клучни клаузули:
  • бонуси и варијабилно наградување;
  • раскин и заштитни механизми;
  • non-compete и конфликт на интереси;
• Пристап до доверливи информации и одговорност;
• Улога на Corporate Secretary во корпоративна усогласеност.

Пауза за ручек - 12:00 – 12:30

СЕСИЈА III - 12:30 – 13:30

Трговски, IT и AI договори – управување со ризик

Фокус: договори со највисок комерцијален и финансиски ризик

• Неисполнување, раскин и договорни казни;
• Лимитирање на одговорност и indemnity клаузули;
• SaaS и IT договори – оперативни и правни ризици;
• Вклучување на AI во деловни процеси и договори:
  • кој одговара за резултатите;
  • распределба на ризик;
• Улога на Legal и Finance во договорно одобрување.

Меѓународна трговија и дигитална регулатива

Фокус: прекугранично работење и дигитална трансформација

• Incoterms и распределба на ризици во меѓународна трговија;
• CISG – кога важи и зошто често се занемарува;
• Практични разлики меѓу домашни и меѓународни договори;
• Нови трендови кај Incoterms и транспортни обврски;
• Закон за електронски документи и електронска идентификација;
• Електронски потпис и доверливи услуги во корпоративна пракса;
• Заклучоци и Q&A;
• Евалуација на семинарот;
• Доделување на сертификати.

Предавач: м-р Драган Лазаров, адвокат – партнер во Адвокатска канцеларија Лазаров од Скопје. Магистер по деловно право на Правниот факултет УКИМ. Работи на граѓанско-правна материја од областа на трговско и деловно право, инвестиции, недвижности, финансово право, трудово право и работни односи. Во својата пракса работи претежно со фирми од државата и странство и има широко практично искуство во деловното работење на трговските друштва. Неговото професионално портфолио опфаќа едни од најголемите домашни и странски инвестиции, како и трансакции.

За сите учесници на семинарот ќе биде обезбедено:

·        работен материјал доставен електронски;

·        ручeк, кафе и освежување;

·        сертификат за присуство на семинарот.