Целта на бизнис форумот е подобрување на постојните и воспоставување нови деловни врски, како и дефинирање на идните насоки на економска соработка меѓу двете земји. Настанот ќе ги собере претставници на институции и бројни компании од Северна Македонија и Србија, со цел поттикнување на соработката во областите на трговијата, производството и инвестициите, како и создавање нови можности за деловно вмрежување. Средбата на бизнисмени од двете земји ќе ја предводат премиерот на Република Северна Македонија, г-дин Христијан Мицкоски и вицепремиерката и министерка за економија на Република Србија, г-ѓа Адријана Месаровиќ.

Република Северна Македонија и Република Србија одржуваат традиционално блиски економски односи, што се потврдува со зголемувањето на трговијата во последните пет години за повеќе од половина милијарда евра, или повеќе од 60%.

Ве молиме вашето присуство да го најавите најдоцна до вторник - 25.11.2025 година на e-mail vasko@mchamber.mk