DigitMAK – Европскиот центар за дигитални иновации ги повикува микро, малите и средните претпријатија, малите компании од категоријата small mid-caps и организациите од јавниот сектор во Северна Македонија да изразат интерес за користење услуги за дигитална трансформација и примена на вештачка интелигенција (AI).
DigitMAK функционира како едношалтерски центар што им помага на организациите да ги проценат своите потреби, да тестираат технологии пред да инвестираат, да развијат дигитални вештини и да идентификуваат соодветни можности за финансирање.
Кој може да се пријави?
- микро, мали и средни претпријатија – МСП;
- мали компании од категоријата small mid-caps;
- организации од јавниот сектор, вклучително и подобни јавни претпријатија, јавни установи, институции, општини и органи на јавната администрација;
- стартапи и компании во раст (scale-ups) што ги исполнуваат условите за МСП или small mid-caps.
Посебен фокус
Повикот е отворен за подобни организации од целата држава и од сите сектори. DigitMAK ќе посвети посебен фокус на организации што работат во недоволно опслужени региони надвор од главниот град, како и на организации активни во следните приоритетни области:
- паметно земјоделство и храна со повисока додадена вредност;
- информатички и комуникациски технологии;
- електро-машинска индустрија и Индустрија 4.0;
- одржливи материјали и паметни згради.
| Посебниот фокус не претставува автоматско одобрување или формална предност. Пријавите ќе се разгледуваат согласно подобноста, утврдените потреби, расположливите капацитети и применливите програмски правила. |
Каква поддршка нуди DigitMAK?
Соработката вообичаено започнува со:
- средба или посета на организацијата и анализа на потребите;
- процена на дигиталната зрелост;
- подготовка на патоказ и акциски план за дигитализација и примена на AI.
- Тестирање пред инвестирање (Test Before Invest)
- дигитално унапредување со примена на AI;
- лабораториски услуги, прототипирање и тестирање;
- краткорочни пилотирања во контролирани или реални услови;
- поддршка за развој и унапредување на дигитални и AI производи;
- пристап до релевантна опрема, тестни средини и експертиза.
- Вештини и обуки
- приспособени програми за обука;
- пристап до онлајн ресурси и е-учење;
- тематски работилници за дигитализација, AI, одржливост, иновации, циркуларна економија и пристап до финансии;
- учество во тематски и Test Before Invest настани.
- Поддршка за наоѓање инвестиции
- индивидуално инвестициско советување;
- информации и насочување кон национални, европски, јавни и приватни извори на финансирање;
- поддршка при подготовка на грант и финансиски апликации;
- поврзување со инвеститори, финансиски институции и потенцијални партнери;
- учество во инвестициски настани.
- Иновациски екосистем и вмрежување
- прва линија на AI Help Desk поддршка;
- основно насочување за AI подготвеност, практична примена и усогласеност;
- иновациска ревизија и напредна процена на одржливоста;
- работилници за технолошки трансфер и дигитални иновации;
- мрежни настани и поврзување со други европски центри за дигитални иновации, AI Factories, EuroHPC и други релевантни европски инфраструктури.
Како се одвива процесот?
- Пополнување на формуларот за изразување интерес.
- Проверка на основната подобност и иницијален разговор.
- Анализа на потребите и, каде што е применливо, процена на дигиталната зрелост.
- Подготовка на предложен пакет услуги и план за соработка.
- Реализација и следење на договорените активности.
Важна информација
Изразувањето интерес не претставува автоматско одобрување на услуга. Видот, обемот и периодот на поддршката ќе зависат од подобноста на организацијата, утврдените потреби, расположливите капацитети и буџет, како и применливите програмски правила и правила за државна помош.
Овој повик е наменет за користење услуги на DigitMAK и не претставува повик за доделување директни парични грантови.
.jpg)
Прогресив Академија