Денешниот клиент е информиран и очекува персонализирано искуство. Во услови на силна конкуренција, ценовни притисоци и брзи промени на пазарот, клиентското искуство станува клучен извор на диференцијација и раст. Организациите што континуирано растат не се оние што имаат најмногу податоци, туку оние што знаат како да ги користат податоците за да донесуваат брзи, прецизни и навремени одлуки. Голем дел од компаниите располагаат со податоци за клиенти, од продажба, маркетинг, CRM системи, корисничка поддршка и дигитални канали, но тие податоци често остануваат фрагментирани, нејасни и недоволно искористени. Како резултат на тоа, одлуките се носат интуитивно, кампањите не се оптимизираат навреме, а можностите за раст се пропуштаат.

Токму тука стапува Power BI, како платформа што овозможува интеграција, анализа и визуелизација на клиентските податоци на начин разбирлив за менаџерите и тимовите. Преку добро дизајнирани dashboards и аналитички модели, Power BI овозможува да се следи целото клиентско патување, да се идентификуваат критични точки на искуството и да се донесуваат одлуки што директно влијаат врз задоволството, лојалноста и приходите.

За таа цел, Стопанската комора на Северна Македонија, на 27.01.2026 година, организира обука на тема: „Power BI решенија за подобро клиентско искуство и побрз раст“, која има за цел да им овозможи на учесниците преку практична примена на Power BI да ги трансформираат клиентските податоци во јасни аналитички сознанија, што директно придонесуваат за подобрување на клиентското искуство, зголемување на лојалноста и остварување побрз и одржлив раст на организациите.

Обуката е наменета за сопственици, директори и менаџери, маркетинг и продажни тимови, аналитичари, CRM и customer experience професионалци, како и вработени во приватен и јавен сектор кои работат со клиентски податоци и донесуваат одлуки базирани на податоци. Обуката е соодветна и за сите кои сакаат да стекнат практични знаења за користење на Power BI како алатка за подобрување на клиентското искуство и поддршка на бизнис растот. Целта на обуката е учесниците да стекнат солидно и применливо ниво на знаење за трансформирање на клиентските податоци во јасни, мерливи и акциски сознанија, кои им овозможуваат на организациите подобро да ги разберат клиентите, да го унапредат нивното искуство и да остварат побрз и одржлив раст. Во фокусот на обуката е практичната примена на Power BI преку реални примери и студии на случај, кои овозможуваат инстант примена во секојдневното работење.

Обуката е конципирана така што учесниците ќе научат како функционира Power BI и како оваа водечка алатка за бизнис интелигенција и аналитика се користи стратешки за подобрување на клиентското искуство и забрзување на бизнис растот

• Стекнување јасно разбирање за улогата на Power BI како клучна алатка за анализа на клиентски податоци, подобрување на клиентското искуство и поддршка на бизнис растот
• Стекнување знаења за поврзување, подготовка и анализа на клиентски податоци од различни извори во Power BI, со цел создавање интегриран поглед кон клиентот
• Стекнување практични знаења за креирање интерактивни dashboards за следење на клиентското патување, задоволството и лојалноста на клиентите
• Развивање вештини за интерпретирање на аналитички сознанија и нивна примена во процесот на менаџерско и стратешко одлучување
• Стекнување практични вештини за користење на Power BI Desktop за донесување побрзи, поинформирани и поквалитетни одлуки 

·        Што значи клиентско искуство водено од податоци

·        Клучни KPI за клиентско искуство и раст

·        Поврзување и подготовка на клиентски податоци во Power BI

·        Разбирање на клиентско искуство преку податоци

·        Дизајн на интерактивни dashboards за клиенти

·        Анализа на однесување, сегментација и задоволство

·        Следење на конверзии, задржување и одлив на клиенти

·        Практична работа со реални податоци

СЕСИЈА 3: Од сознанија до акција - раст базиран на податоци

·        Како аналитиката влијае врз маркетинг и продажба

·        Анализа на кампањи и клиентски одговор

·        Идентификација на клиенти со висока вредност

·        Практична вежба: донесување одлуки врз основа на dashboards

·        Напредни визуелизации и DAX логика (основи)

·        Storytelling со податоци за менаџери и клиенти

·        Како Power BI поддржува стратешки раст

·        Студија на случај: од клиентски податоци до побрз раст

За обуката потребно е да инсталира Power BI Desktop, достапна бесплатнa верзија на следниов линк: https://www.microsoft.com/en-us/power-platform/products/power-bi/desktop

Д-р Виолета Цветкоска е професор по Операциони истражувања и машинско учење за менаџмент на Економскиот факултет - Скопје при Универзитетот „Св. Кирил и Методиј“ во Скопје. Покрај тоа ги предава и предметите Основи на бизнис аналитика (на прв циклус на студии) и Бизнис аналитика и Наука за податоци (на втор циклус на студии). Таа е меѓународно признат експерт за одлучување базирано на податоци, Power BI решенија и примена на аналитика за подобрување на клиентското искуство и остварување побрз раст, со долгогодишно искуство во работа со менаџери, аналитички тимови и организации. Со силен фокус на практична примена, д-р Цветкоска успешно ги поврзува аналитичките модели со реалните бизнис потреби, помагајќи им на компаниите податоците да ги претворат во конкретни сознанија, а сознанијата во одлуки што носат резултати. Нејзините обуки се препознатливи по јасна структура, интензивна практична работа во Power BI и ориентација кон решавање на реални бизнис предизвици. Експертизата на д-р Цветкоска се надградува преку активно учество на меѓународни научни и професионални настани, објавување трудови во реномирани меѓународни списанија и континуирана соработка со академската и бизнис заедницата. Нејзиниот пристап е насочен кон градење аналитички компетенции што создаваат одржлива конкурентска предност.

За сите учесници на обуката ќе биде обезбедено:    

• работни материјали во електронска верзија;
• ручек и освежување
• сертификат за учество на обуката.       

Сите заинтересирани за учество да се пријават најдоцна до 23.01.2026 година.