Еднодневен семинар на тема:

ОД РЕГУЛАТИВА ДО ПРЕДНОСТ: КАКО CSRD И ESRS ЈА ОБЛИКУВААТ ИДНИНАТА НА СЕКОЈА КОМПАНИЈА

„Нови правила, нови можности – подгответе ја вашата компанија за предизвиците што доаѓаат!“

10:00 – 15:00 часот
Стопанска комора на Северна Македонија сала 4, 5-ти  кат

Со усвојувањето на CSRD (Corporate Sustainability Reporting Directive) и ESRS (European Sustainability Reporting Standards), Европската Унија воспоставува нов регулаторен пејзаж кој ги засега сите компании – од големите корпорации до мали и микро компании. За таа цел Стопанската комора на Северна Македонија на 29 септември 2025 година организира еднодневен семинар на тема:ОД РЕГУЛАТИВА ДО ПРЕДНОСТ: КАКО CSRD И ESRS ЈА ОБЛИКУВААТ ИДНИНАТА НА СЕКОЈА КОМПАНИЈА, каде учесниците ќе добијат јасна слика за:  кои се обврските и временските рамки за компаниите; како се применуваат стандардите во големи, мали и микро компании; какви се практичните импликации од регулативата; како новите регулативи ќе влијаат врз вашата компанија;  конкретни чекори за усогласување со CSRD и ESRS;  зошто раната подготовка носи предност пред конкуренцијата; како извештаите за одржливост стануваат алатка за инвеститори, банки и партнери како CSRD и ESRS можат да се претворат во конкурентска предност преку: полесен пристап до финансии, подобро управување со ризици и зголемена транспарентност и доверба.

Зошто е важно да се пријавите?

1. Нови регулативи – нови предизвици
   CSRD и ESRS веќе се задолжителни во ЕУ, а наскоро ќе влијаат и врз македонските компании (директно или индиректно преку партнери, банки и инвеститори).
2. Предност пред конкуренцијата
   Компаниите што први ќе се усогласат, ќе имаат полесен пристап до финансии, европски пазари и доверба од странски партнери.
3. Практични насоки, не само теорија
   Ќе слушнете конкретни чекори како да ги примените стандардите во вашата организација – од подготовка на извештаи до интеграција во корпоративното управување.
4. Поглед во иднината
   Усогласувањето со CSRD и ESRS не е само законска обврска, туку и стратегија за долгорочен раст, транспарентност и подобро управување со ризици.

• Големи компании обврзници според CSRD;
• МСП и микро компании кои индиректно се засегнати;
• Компании кои сакаат да обезбедат пристап до финансии и зголемена конкурентност преку ESG усогласеност;
• Професионалци од областа на финансии, ревизија, ризик менаџмент, одржливост и корпоративно управување.

• Интерактивни предавања со презентации;
• Групни дискусии и прашања.

Модул 1: Вовед во Известувањето за Одржливост

• Глобални трендови за ESG и зошто известувањето е важно.
• CSRD како директива на ЕУ за задолжително известување.
• ESRS како детални стандарди за „што и како“ да се пријави.
• Транспарентност и борба против greenwashing.
• Национален регулаторен контекст (Македонија).

Модул 2: CSRD – Опфат, Временски Рамки и Применливост

• Обврски за големи компании.
• Временски рамки (од 2025 година) и последни ажурирања.
• Применливост за МСП: задолжително за компании кои котираат на берзи, доброволно за останати.
• Поедноставувања и изземања.
• Доброволни опции за мали компании.

 Пауза за ручек и освежување – 11:00-11:30

Модул 3: Разбирање на ESRS – Стандардите за Известување

• Структура на ESRS: 12 стандарди (еколошки, социјални, управувачки).
• Клучни теми: климатски промени, ресурси, работници, заедници, управување.
• Поедноставено известување за МСП: LSME (задолжително) и VSME (доброволно).
• Основен и Сеопфатен модул за различни потреби.
• Двојна материјалност – влијание на бизнисот врз одржливост и обратно.

Модул 4: Импликации за МСП и Мали Компании

• Директни и индиректни ефекти врз МСП.
• МСП: без обврска, но индиректно засегнати.
• Придобивки: пристап до финансии, конкурентност, управување со ризици.
• Предизвици: трошоци, недостиг на експертиза, собирање податоци.
• 2025: Доброволен VSME стандард како практична алтернатива.

Модул 5: Практични насоки за имплементација и Sustainability Модел за Оценување

• Sustainability Scoring Model – софтверска алатка за евалуација на одржливост.
• Практични насоки за имплементација на ESG барањата
  • Проверка на применливост и материјалност.
  • Собирање ESG податоци преку шаблони и алатки.
  • Користење на SME рамки (Основен или Сеопфатен модул).
  • Интегрирање ESG во секојдневните операции.
  • Известување и уверување (доброволни ревизии).

Симеон Шумански е единствениот во Македонија со престижниот сертификат GRI Certified ESRS Sustainability Professional. Поседува меѓународни сертификати CIA и CFSA од IIA, а зад себе има повеќегодишно искуство во ревизија, финансии, управување со ризици и корпоративно управување, стекнато во KPMG, NLB Банка, ПроКредит Банка и Стопанска Банка АД Скопје.

Автор е на ASEE Group Sustainability Report 2024 според ESRS, објавен на Варшавска берза, за една од водечките IT компании во Европа со над 60 компании во 26 земји. Во моментов ја извршува функцијата Group Internal Audit Manager во ASEE Group.

За сите учесници на семинарот ќе биде обезбедено:

     Семинарот ќе биде во просториите на Стопанската комора на Северна Македонија, сала 4 на 5-ти кат

     Тренерот на семинарот користи повеќе методи за пренесување на информациите (предавање, интерактивност, примери од пракса), со што ја зголемува продуктивноста на пренсување на информациите и успешно стекнување на знаењата и личните перформанси кај учесниците.

     Секој учесник добива електронски работен материјал и сертификат за присуство;

     За време на паузата учесниците добиваат ручек, кафе и освежување;

     Котизацијата за еднодневниот семинар по учесник изнесува изнесува 5.310 денари (4.500 ден. + 18% ДДВ) за членки на Комората и 5.900 денари ( 5.000 ден. + 18% ДДВ) за не-членки на Комората.

     Доколку се пријават три или четири учесника од иста компанија цената на котизација е со 10% попуст за сите учеснци и ако се 5 или повеќе учесници од иста компанија е со 20% за сите учеснци.