25.10.2018 (Семинар)
НАМАЛУВАЊЕ НА ВКУПНИ ТРОШОЦИ ОД БОЛЕДУВАЊЕ, ПРИЧИНИ ЗА КОНТИНУИРАНО ОТСУСТВО ОД РАБОТА

26.10.2018 (Семинар)
УПРАВНИ ПОСТАПКИ ПРЕДВИДЕНИ ВО ЗАКОН ЗА МИНЕРАЛНИ СУРОВИНИ, РОКОВИ ЗА ПОСТАПУВАЊЕ И ПРАВНА ЗАШТИТА

29.10.2018 (Семинар)
АДМИНИСТРАТИВНО УПРАВУВАЊЕ, ВОДЕЊЕ ДЕЛОВНА КОРЕСПОДЕНЦИЈА И ОДНОСИ СО ЈАВНОСТ

31.10.2018 (Семинар)
ЕФЕКТИВЕН ПРИСТАП И КОРИСНИ АЛАТКИ ВО СОВРЕМЕНИТЕ ПРОЦЕСИ НА ПРОДАЖБА И ПРЕГОВАРАЊЕ

31.10.2018 (Семинар)
ПРЕЗЕНТАЦИЈА НА ЕСЈН И ЗАДОЛЖИТЕЛНО КОРИСТЕЊЕ НА ЕЛЕКТРОНСКИ ЈАВНИ НАБАВКИ

31.10.2018 (Бизнис средби)
Match4Industry Business Matching Индустриски саем и бизнис средби -Коџаели, Р.Турција

07.11.2018 (Бизнис средби)
Бизнис средби ЈИЕ ИТ САМИТ 7-9 ноември 2018 Нови Сад, Србија

29.11.2018 (Конференција)
Меѓународната конференција за текстил за градежништво, медицина и здравствена заштита, машини за текстил и нови технологии и деловни средби, 29-30 ноември 2018 година, Ахен, Германија

Соопштенија, вести, актуелности - Приказ на содржина

11.07.2018


Актуелно  

АЗЕСКИ ВО ПОСЕТА НА ЕДНА ОД НАЈУСПЕШНИТЕ КОМПАНИИ ВО ГРАФИЧКАТА ИНДУСТРИЈА „КИРО ДАНДАРО“ - БИТОЛА


Претседателот на Стопанската комора на Македонија, Бранко Азески, реализираше работна посета на печатницата „Киро Дандаро“ од Битола, која од мала печатница основана во 1945 година, прерасна во еден од лидерите во графичката индустрија во земјата и во регионот, а воедно, истата е дел од историјата на Битола, како бренд кој постои повеќе од 70 години.

Компанијата од 1994 година има инвестирано во машини за печат на флексибилна амбалажа, кога е увезена и првата флексо машина во Македонија. Во 1997 година набавена е и машина за длабок печат, а потоа во текот на работењето се набавени и други машини за ламинирање, за сечење. Моментално печатницата има на располагање 8 флексо машини, две машини за лепење материјали, односно за каширање, пет ножеви за обрежување и две машини за длабок печат.

Печатницата „Киро Дандаро“ од Битола не е само успешна компанија во Македонија, туку и компанија која еднакво се носи и на европскиот пазар - вкупниот годишен обрт на компанијата, во која моментално се вработени околу 170 лица, за минатата година е 13 милиони евра. При тоа, 54% од вкупниот обрт отпаѓа на извозот, при што од компанијата се надеваат дека учеството на странските пазари ќе продолжи да расте, како резултат на направените инвестиции за набавка на нова опрема во изминатиот период.

- Европскиот пазар бара и препознава квалитет, па токму затоа изминатите години инвестиравме во машини со најнова технологија. Во јануари 2018 година во функција беше ставена нова опрема вредна 2,5 милиони евра, со која значително го зголемивме капацитетот на услугите за печатење, со што директно се зголемува и извозот на нашите производи во странство. Со инвестирањето во оваа нова машина имаме зголемување на капацитетот за околу 30% и зголемување на брзината на печат, од моменталните 250 метри во минута, на 500 метри во минута, при што и подготовката за самиот печат е многу побрза – од претходните три часа во просек, сега времето за подготовка за еден производ е намалено на приближно 30 минути, - истакна Драги Милошевски, генерален директор  на печатницата „Киро Дандаро“. 

Најголем дел од извозот на компанијата, или околу 60%, е насочен за Србија, а останатиот дел во Косово, Албанија, Босна и Херецеговина, Хрватска, како и во земјите од ЕУ: Белгија, Холандија, Франција, Кипар и Молдавија.

Дополнително, минатата година печатницата „Киро Дандаро“ има инвестирано и во подготовка, во препрес и дизајн студио, со што таа беше  сертифицирана од „ЕСКО“, американска компанија за производство на фотополимерни плочи. За таа цел, набавена е опрема од Соединетите Американски Држави во вредност од 350.000 евра за дизајн студио и подготовка на машина.

Печатницата „Киро Дандаро“ соработува речиси со сите водечки компании од Македонија, а истовремено е долгогодишен партнер и на водечките компании од регионот.
 
Сашо Деспотоски











 

Премиум покровители

Покровители

Силвер покровители

Партнери

Државни институции

Меѓународни институции

© 2008 Стопанска комора на Македонија, задржани сите права